સુરતના મહિધરપુરામાં દિલ્હી ગેટ પાસે યુવકની  હત્યા કરવામાં આવી હતી. હિના નામની મહિલા અને એક યુવકે મળીને યુવકની હત્યા કરી હતી. યુવકને મહિલા લાતો મારતી હોય તેવા સીસીટીવી સામે આવ્યા હતા. પોલીસે હત્યાનો ગુનો નોંધી તપાસ શરૂ કરી હતી.

રાત્રી કર્ફ્યૂ વચ્ચે જન્મદિવસની ઉજવણીમાં સોશિયલ ડિસ્ટન્સ સહિતના નિયમોના ધજાગરા ઉડાવનાર અલ્પેશ કથીરિયાની પોલીસે અટકાયત કરી હતી. તેણે પોતાની ભૂલ સ્વીકારી હતી અને તેની જાણકારી બહાર મોટી સંખ્યામાં લોકોને આમંત્રિત કરાયા હોવાનું કહ્યું હતુ.

કામરેજ સુગર મિલની ચૂંટણી યોજાઈ હતી અને ૨૦ તારીખે પરિણામ જાહેર કરવામાં આવ્યું હતું. જીતેલા ઉમેદવારોની કારોબારી મળી હતી અને પ્રમુખ- ઉપ પ્રમુખની વરણી કરવામાં આવી હતી. તમામ જીતેલા ઉમેદવારોએ મળી અશ્વિન પટેલને પ્રમુખ જયારે ઓલપાડ બેઠક પરથી જીત મેળવનાર હેમંત પટેલને ઉપ પ્રમુખ તરીકેની વરણી કરવામાં આવી હતી.

મારો વોર્ડ મારી વાતમાં વાત કરીશું સુરતના કતારગામ વેડ વિસ્તારની. સુરતના વોર્ડ નંબર- 7 કતારગામ વેડના રહીશો કાઉન્સિલરોથી કેટલા ખુશ છે અને આગામી સમયમાં કઈ બાબતો ધ્યાનમાં રાખીને મતદાન કરશે? જોઈએ આ અહેવાલમાં.

વીર નર્મદ યુનિવર્સિટી સિન્ડિકેટે ફી ઘટાડાનો નિર્ણય લીધો હતો. એફિલેશન ફી 50 ટકાની જગ્યાએ 100 ટકા અને ટ્યુશન ફી 20 ટકાની જગ્યાએ 12 ટકા માફ કરવાનો નિર્ણય લેવામાં આવ્યો હતો. સરકારની એફઆરસી ફી મામલે નિર્ણય લેશે.

14 દિવસના જામીન પૂર્ણ થતા  નારાયણ સાંઈને લાજપોર જેલ પરત લાવવામાં આવ્યો હતો. માતાની બીમારી માટે નારાયણ સાંઇને જામીન આપવામાં આવ્યા હતા. અમદાવાદ પોલીસ જાપ્તામાં નારાયણ સાંઇને લાજપોર જેલમાં પરત લાવવામાં આવ્યો હતો. નારાયણ સાઈ પરત આવતા દર્શન માટે જેલ બહાર ભક્તોની ભીડ ઉમટી પડી હતી.

સુરતના ડીંડોલીમાં મિડલ કલાસ પરિવારોમાં રહે છે.  યુવાનો પોતે આર્મીમાં જવા માટે મહેનત કરી રહ્યા છે. આ યુવકો પાસે નથી કોઇ મેદાન કે ટ્રેક. તેઓ ખુલ્લા પગે ડામરના રોડ ઉપર લોકોની,વાહનોની સતત અવર જવર વચ્ચે ટ્રેનિંગ લઈ રહ્યા છે.

સુરતમાં કોટન એસોસિએશનના ડિરેક્ટર પદે જયેશ પટેલ ચૂંટાયા હતા. કોટન એસોસિએશન ઓફ ઇન્ડિયામાં કો ઓપરેટિવ માર્કેટિંગ સોસાયટીમાં મહત્વની જવાબદારી સોંપવામાં આવી હતી. જયેશ ભાઈ અગાઉ દક્ષિણ ગુજરાત ખેડૂત સમાજના પ્રમુખ હતા.

સુરતના પુણા વિસ્તારમાં હત્યાની ઘટના બની છે. ભાગ્યોદય ઈંડસ્ટ્રીઝ વિસ્તારમાં યુવક પર લોખંડની પાઈપથી હુમલો કરી હત્યા કરવામાં આવી હતી. પ્રાથમિક માહિતી પ્રમાણે અંગત અદાવતમાં હુમલો કરવામા આવ્યો હતો. ઘટનાના સીસીટીવી દ્રશ્યો પણ સામે આવ્યા છે. જેના આધારે પોલીસે તપાસ શરૂ કરી હતી.

સ્થાનિક સ્વરાજ્યની ચૂંટણીને લઈ ભાજપ તૈયાર હોવાનો મુખ્યમંત્રી વિજય રૂપાણીએ દાવો કર્યો હતો. સીએમ રૂપાણીએ કહ્યું કે પેટાચૂંટણીમાં મળેલી મોટી જીતની જેમ સ્થાનિક સ્વરાજ્યની ચૂંટણીમાં પણ ભાજપને જીત મળશે. ભાજપનું સંગઠન ચૂંટણીને લઈ સંપૂર્ણ તૈયાર છે.

સુરત શહેરના પણ કેટલાક વિસ્તારોમાં વરસાદ નોંધાયો હતો. પાલ વિસ્તારમાં વહેલી સવારે વરસાદ નોધાયો. આ સાથે જ સુરતના ગ્રામ્ય વિસ્તારમાં વરસાદ નોંધાતા ખેડૂતો ચિંતામાં મુકાયા હતા. વરસાદના કારણે ડાંગરના પાકને નુક્સાન જવાની ભીતિ છે.