સુરતમાં કોરોનાના કેસ વધતા મનપા એક્શનમાં આવી હતી. મનપાએ બે દિવસ મોલ બંધ રાખવાનો નિર્ણય કર્યો હતો. સુરતમાં શનિ અને રવિવારે મોલ બંધ રહેશે. જો કોઈ મોલ ખાતે નિયમોનો ભંગ જણાશે તો મનપા દ્વારા કડક પગલાં લેવામાં આવશે.

સુરતના બારડોલી- પલસાણા હાઇવે પર અકસ્માત સર્જાયો હતો. જેમાં 30 લોકો ઇજાગ્રસ્ત થયા હતા. ચાલકે કાબૂ ગુમાવતા લક્ઝરી પલટી ગઇ હતી. જેમાં 30 જેટલા મુસાફરોને સામાન્ય ઇજાઓ પહોંચી હતી. બસ ભૂંસાવલથી અમદાવાદ જઇ રહી હતી.

કંટેંટમેંટ વિસ્તારમાં આવતી શાળા-કોલેજો શરૂ ન કરવાનો સુરત મહાનગરપાલિકાએ નિર્ણય લીધો હતો. કોરોનાના સંક્રમણમાં વધારો થતા પ્રશાસન ચિંતિત છે અને જેના આધારે આ નિર્ણય લેવામાં આવ્યો છે. કોરોનાની ગાઈડ લાઈંસ મુજબ જ શાળા-કોલેજ શરૂ કરાશે.

સુરતમાં ટેક્સટાઇલ માર્કેટમાં લાભ પાંચમની પૂજા કરાઈ છે. નવા વર્ષમાં કાપડ વ્યાપારની શરૂઆત કરી મિલેનિયમ માર્કેટમાં કાપડ વ્યાપારીએ લાભ પાંચમની પૂજા કરી વ્યાપાર વૃદ્ધિની પ્રાર્થના કરી હતી. સુષ્મા ફેશન સાડી વ્યાપારીએ કોરોનામાં મંદ પડેલ વ્યાપારને ગતિ મળે તેવી ઈશ્વરને પ્રાર્થના કરી શુભકામનાઓ પાઠવી હતી.

સુરત ધૂળિયા હાઇવે પર કડોદરા બારડોલી રોડ પર દસ્તાન ફાટક પાસે બે લકઝરી વચ્ચે અકસ્માત થયો હતો. આ અકસ્માતમાં 20 જેટલા મુસાફરોને સામાન્ય ઇજા પહોંચી હતી. બંન્ને લકઝરી બસ સામસામે અથડાતા અકસ્માત થયો હતો. ઇજાગ્રસ્તોને વધુ સારવાર અર્થે સુરત સ્મીમેર હોસ્પિટલ ખસેડાયા હતા.

સુરતની ટ્રાઈ સ્ટાર હોસ્પિટલમાં આગ લાગતા દોડધામ મચી ગઈ હતી. કોરોના સહિત અન્ય દર્દીઓ સ્ટ્રાઈ સ્ટાર હોસ્પિટલમાં દાખલ છે. ત્યારે ફાયર વિભાગની ટીમ ઘટનાસ્થળે પહોંચીને આગ બુજાવવાની કામગીરી શરૂ કરી હતી. હોસ્પિટલમાં દાખલ દર્દીઓને અન્ય હોસ્પિટલમાં ખસેડવામાં આવ્યા હતા.

સુરતમાં કોરોનાને લઈ જાહેરમાં તાપી નદી કિનારે છઠ્ઠ પૂજા નહીં થાય. સ્થાનિક સમિતિ દ્ધારા આ નિર્ણય લેવામાં આવ્યો છે. સુરતમાં વસતા 8 લાખ પરપ્રાંતિય છઠ્ઠ પૂજા ઘરે કરશે. મનપા દ્વારા પરવાનગી ન મળતા છઠ્ઠ પૂજા આયોજન સમિતિ દ્વારા કોઈ વ્યવસ્થા કરી નથી

સુરતના ઉન ગામ વિસ્તારમાં અર્ધ નગ્ન હાલતમાં 35 વર્ષીય મહિલાની લાશ મળી આવી હતી. મહિલા સાથે બળાત્કાર થયા બાદ હત્યા થઇ હોવાની આશંકા સેવાઇ રહી છે. પોલીસે એફએસએલની મદદ લઇ કાર્યવાહી હાથ ધરી હતી. પોલીસે ગુનો દાખલ કરી મહિલાનો મૃતદેહ પીએમ માટે ખસેડયો હતો.

સુરતના કુંભારીયા ગામમાં જમીન મામલે એક યુવક પર ગામ લોકોએ જીવલેણ હુમલો કર્યો હતો. હિતેશ વાઘેલા ગામના લોકોને છેલ્લા કેટલાક સમયથી ગાડી પણ ઘર પાસેથી નીકળવા દેતો નહોતો. હુમલા બાદ હિતેશને સારવાર માટે હોસ્પિટલમાં ખસેડાયો હતો. મારામારી ઘટના સીસીટીવીમાં કેદ થઇ હતી

સુરતમાં દિવાળીના બીજા દિવસે  હવા પ્રદુષણ વધ્યું હતું. રત શહેરનો એર ક્વોલિટી ઇન્ડેક્સ 155 નોંધાયો હતો. જ્યારે PM2.5 64.2 ug પર પહોંચ્યો હતો. લોકોએ ફટાકડા ફોડતા પ્રદુષણનું સ્તર વધ્યું હતું. શહેરમાં છેલ્લા બે દિવસથી ફટાકડા ફોડવામાં આવી રહ્યા છે.

સુરતના કામરેજમા તસ્કરો ત્રાટકયા હતા. ડિસ્ટ્રીક બેકનાં એ.ટી.એમને નિશાન બનાવી 12 લાખથી વધુની ચોરી કરી તસ્કરો ફરાર થયા હતા. કામરેજના કરજણ ગામે ડિસ્ટ્રીક બેકના એ.ટી.એમ ને નિશાન બનાવી 12 લાખથી વધુની ચોરીને અંજામ આપ્યો હતો.  કામરેજ સહિત જિલ્લાની પોલીસ સી.સી.ટીવી ફૂટેજના આધારે તપાસ હાથ ધરી હતી.

દિવાળીને પર્વને લઈ સૌ કોઈ ઉજવણી કરી રહ્યા છે પરંતુ કોરોના કાળમાં ડોક્ટરોની દિવાળી કેવી છે. કોરોના વોરિયર્સ ડોકટર સતત કામગીરીમાં વ્યસ્ત છે અને થોડો સમય કાઢી તેઓ દિવાળીની પરિવાર સાથે ઉજવણી કરી રહ્યા છે. સુરતમાં કોરોના સ્પેશ્યાલિસ્ટ ડોક્ટર સમીર ગામીએ પરિવાર સાથે દિવાળીની ઉજવણી કરી હતી.

દિવાળીનો તહેવાર શરૂ થઈ ચૂક્યા છે ત્યારે સુરતમાં ઉદ્યોગકારો દ્વારા ચોપડા પૂજન કરવામાં આવ્યું હતું. સુરતમાં ટેક્સટાઇલ, ડાયમંડ અને બિલ્ડરો અને વેપારી પોતાના વેપાર ઉધોગ માટે ચોપડા પૂજન કરી પૂજા અર્ચના કરી છે.સુરતના જાણીતા કુબેર બિલ્ડર દ્વારા આજે પરિવાર સહિત પૂજા અર્ચના કરી ઉદ્યોગમાં નવા ચોપડાની શરૂઆત કરાઈ હતી

સુરતમાં અન્ય રાજ્યો અને શહેરમાંથી આવતા લોકોનું રેપીડ ટેસ્ટ પૂરજોશમાં કરવામાં આવી રહ્યું છે. સુરતમાં બહારગામથી આવતા લોકોના રેપિડ ટેસ્ટ કરવામાં આવી રહ્યા છે. સુરતની સિવિલ હોસ્પિટલમાં 126 દર્દીઓ સારવાર હેઠળ છે.

સુરત વિજિલન્સે લાજપોર જેલમાં દરોડા પાડવામાં આવ્યા હતા.જેલમાંથી સીમકાર્ડ,બે મોબાઈલ જપ્ત કરવામાં આવ્યા હતા. બેરેકના ટોયલેટ અને ચોકડીમાં મોબાઈલ,સીમકાર્ડ છૂપાવ્યો હતો. સચિન પોલીસમાં ગુનો નોંધાવતા પોલીસે વધુ તપાસ શરૂ કરી હતી.

સુરતના કતારગામમાં યુવતી સાથે દૂષ્કર્મ થયાની ફરિયાદ નોંધાવમાં આવી છે..આરોપીએ ઓનલાઈન સંપર્ક કરી ડુમસની હોટલમાં યુવતી સાથે દૂષ્કર્મ આચર્યું હતું. સાથે જ ચાર લાખ 30 હજાર રૂપિયા પડાવ્યા હોવાનો આરોપ લાગ્યો છે. યુવતી બ્યુટી પાર્લરના વ્યવસાય સાથે સંકળાયેલી છે. જો કે ફરિયાદના આધારે પોલીસે નિલ ચાંદગડીયાની અટકાયત કરી હતી.

સુરતના ચલથાણ સુગર મિલના સ્ટોર રૂમમાં આગ લાગવાની ઘટના બની હતી.વહેલી સવારે અચાનક સ્ટોર રૂમમાં આગ લાગતા અફરાતફરીનો માહોલ સર્જાયો હતો. પ્રાથમિક માહિતી પ્રમાણે લાકડાના જથ્થામાં આગ લાગી હતી.જો કે બાદમાં ફાયર વિભાગની ટીમે સ્થળ પર પહોચી આગ પર કાબૂ મેળવ્યો  હતો.